Fack- un Speziål-Bäukerie

Dat Fritz-Reuter-Literaturmuseum nimmt dat as siene Upgåf an, allens œwer dat Läwen un Warken von Stemhågen sienen berühmten Sœhn, Fritz Reuter, tau dokumentieren un de Lüd, de sik interessieren tau wiesen. As anerkennte Forschungsstäd hett dat Museum siene Archiven un båbentau ok ’ne wätenschaftlich Speziålbäukerie.

Siet mihr as 70 Johren ward allens tau Fritz Reuter in dat Literaturmuseum sammelt, uphäächt un verwohrt. Dorbi is ok de nedderdüütsche Språk för dat Spräken un in de Literatur ein wichtig Såk. Von 1949 bet hüt sünd in de Regålen von de Bäukerie üm un bi 17.000 Bäuker tausåmenkåmen.

De wätenschaftlich Bäukerie hett vier Rüm un allerbest Mœchlichkeiten för de Arbeit in de Wätenschaft. De Fack- un Speziålbäukerie hett von Anfang an ein eigen Sammeltraditschon mit ein eigen Katalogisierung, de passmåt is tau de Upgåwen, de sik dat Museum sülfst annåhmen hett. Düss System geiht tausåmen mit de wätenschaftlich Arbeit för dat Kultur un Språk-Aarfdeil un passt tau dat, wat de Gäst von de Bäuker

In de Bäukerie von dat Fritz-Reuter-Literaturmuseum sünd Artikels un anner Schriften œwer Reuter un Bäuker von nedderdüütsch Schriewerslüd ut uns Tiet sammelt un ok Mecklenburgica.

De wichtigsten Deile ut de Sammlung sünd in de Dåtenbank tau finnen, de online steiht.