Utstellungen

De Reuterstadt Stemhågen, de dunntaumålen Ackerbörgerstadt, is dat ierste Mål 1252 in de Urkunnen tau finnen. Dat sei bekannt wür, dankt sei för wiss ehren berühmtesten Sœhn Fritz Reuter. Hei is de nedderdüütsche Schriewer mit de gröttst Bedüdung, de 1810 hier in dat oll Råthus buren is.

Von 1949 anis hier in dit Hus dat Museum för Fritz Reuter. Mihrmåls is de Utstellung ümbuucht un utbuucht worn. „Fritz Reuter – Läwen, Bäuker un Warken“ wiest all Up- un Dålsprüngen, von denn groten Mäkelbörger Sœhn. Handschräwen Dokumenten, Biller von Reuter målt, Popieren un Såken, Reuter hüürt hebben, sünd in disse moderne Utstellung tau bekieken.

Ok tau hüren gifft dat wat un för Kinner gifft dat up denn Rundgang de Kinnerstatschonen „för mi“. In dat Filmkabinett warden Films un Fiernseihserien wiest, de nåh Reuter siene Bäuker måkt sünd.

De Måler un Illustrator Ernst Lübbert (1879-1915), de siene Schaultiet in Stemhågen verlääft hett, is ok Themå von dat Museum. Von 2005 an gifft dat in dat Hus 2 de Utstellung „Ernst Lübbert – Läwen un Warken“.

Dorœwer rut wiesen verschieden Wessel-Utstellungen Kunst un Kultur von hier un hüt un dat gifft Sünner-Utstellungen von Exponåten ut uns Fundus.