Kein Hüsung
Un buten wirkt en anner’n Wewer,
Schütt ok sin Spaul recht lustig ‚ræwer:
Hoch up den Barg, dor steiht sin Staul;
Hei leggt sick ‚rup mit ganzen Liw‘,
Wo knirrt un knarrt dat oll Gedriw‘!
Wo klappt de Lad, wo sus’t de Spaul!
De Stormwind wewt sin Winterwand,
Sin Uptog Nacht, sin Inslag Snei –
Un singt dortau ’ne Melodei,
De brus’t so schurig dörch dat Land,
As wiren ‚rut de bösen Geister;
Is ok en dägten Wewermeister! – (Fritz Reuter)
